भारतलाई अर्काे खतराः २० जना भारतीय युवा आतंकवादी संगठन आईएसमा भर्ती
काठमाडौं, ६ मंसिर । आतंकवादी संगठन आईएसको धम्कीले सतर्क रहेको भारतलाई अर्काे खतरा परेको छ ।आफ्नै देशका २० जना युवा आंतकवादी संगठन इश्लामिक स्टेट (आईएस)मा भर्ती भएपछि भारतमा खतरा बढेको हो । सुरक्षा एजेन्सीहरुले भारतीय गृहमन्त्रालयलाई बुझाएको प्रतिवेदनमा २० जना भारतीय युवा आईएसमा भर्ती भइसकेका छन् ।
प्रतिवेदनलाई उद्धृत गर्दै भारतीय पत्रिका अमरउजालाले लेखेको छ-आतंकवादी अभियानमा सामेल हुन् २० जना भारतीय युवक आईएसमा भर्ती भएका छन् । पेरिस हमला पछि आईएसले भारतीय युवकलाई प्रलोभनमा पारेपछि गम्भीर चिन्ता व्यक्त गरिएको छ । भारतीय सुरक्षा एजेन्सीहरुले यिनीहरुका परिवारलाई निगरानीमा राखेका छन् । गृहमन्त्रालयले पनि आईएसको अबको हमला भारतमै हुन सक्ने आशंका गर्दै सुरक्षा व्यवस्था कडा बनाउन ध्यान दिएको छ ।’
गृहमन्त्रालयले २० जनामध्ये कोही पनि भारत फर्किएभने गोली हान्न वा गिरफ्तार गर्न निर्देश गरेको छ । आईएसमा सहभागी युवाहरु भारतको उत्तर प्रदेश, कर्नाटक, केरल र तेलंगाना सहरका छन् । समाचार अनुसार दक्षिण भारतका १५० युवा पनि आईएसतर्फ आकर्षित भएको र उनीहरुलाई रोक्न सुरक्षा एजेन्सीहरुले कोसिस गरिरहेको बताइएको छ । (एजेन्सीको सहयोगमा)
dainiknepal
0 comments
Write Down Your Responses