Feature, News » नेपाली सेनाको टोलीमाथि राजधानीमै आक्रमण, सैनिकको हात काटीयो

शनिबार, ४ पुष
काठमाडौं । राजधानीमा नेपाली सेनाको एक टोलीमाथि बन अतिक्रमण गर्ने सहुमले आक्रमण गरेको छ ।
शनिबार विहान राजधानीको गोकर्ण वनमा सेनामाथि आक्रमण भएको हो । खाना पकाउने दाउरा खोज्न गएका व्यक्तिहरुको एक समुहले गस्तीमा खटिएको सेनाको टालीमाथि आक्रमण गरी एक सैनिक जवानको हात समेत काटिदिएका छन् ।
आक्रमणबाट घाइतेृ भएका सैनिकको नाम खुलाइएको छैन । दाउरा खोज्न गोकर्ण जंगलमा पुगेका व्यक्तिहरुलाई नेपाली सेनाको बर्दबहादुर गण ‘घ’ गुल्मको सैनिक टोलीले रोक्न खोज्दा झडप भएको थियो ।
वन क्षेत्रको सुरक्षार्थ खटिएको गुल्मका सेनाले दाउरा खोज्न गएको उक्त समुहमा रहेका १० जनालाई दाउरासहित नियन्त्रणमा लिएको बताइएको छ ।
तर, उनीहरु स्थानीय भने नभएको जनाइएको छ । घटना किन र कसरी भयो भन्ने बारेमा थप अनुसन्धान भइरहेको बताइएको छ ।
nepalsandesh

0 comments

Write Down Your Responses