ओलीसँग घुँडा टेक्न बाहना खोज्दै भारत, राजदुत रायलाई मोदीको निर्देशनपछि यस्तो तयारी
अघिल्लो वर्ष भारतीय प्रधानमन्त्री नरेन्द्र मोदीको नेपाल भ्रमणताका नेपाल भारतबीचको सम्बन्ध नमुना सम्बन्धका रुपमा हेरीएको थियो ।तर, अहिले नेपाल र भारतकाबीच शत्रुवत् सम्बन्ध कायम भैरहेको छ । यस्तो अवस्थामा नेपालमा भारतले नाकाबन्दी गरेको छ कि, नेपालमा लामो प्रतिक्षापछि संविधान जारी भएको छ ।
भारतीय राजदुत रणजित रायले पनि नेपाल भारतबीचको असल सम्बन्ध सिवस्तारै खराब हुँदे गएको बताएका छन् । राजदुत रायले खराब भएको सम्बन्ध पहिलाकै अवस्थामा फर्काउन आफुले प्रयत्न गरिरहेको पनि बताएका छन् ।
उनले भारतको नीति पुरै नेपालकालागि भएको र कुनै एक समुदायसँग सम्बन्धीत नभएको पनि प्रष्ट पारिसकेका छन् । रायले नेपालमा स्थिरता र शान्ति भारतको पहिलो शर्त भएको बताएका छन् ।
उनले नेपाल विविधतापुर्ण देश भएकाले पनि केही भाषीक र प्राविधिक समस्याले गर्दा नेपालमा समस्या देखिएको बताएका छन् ।
यस्तो अवस्थामा अब नेपालको राजनीतिक सम्बन्ध सुधार गर्न सकेमा नेपाली जनताको हित हुने उनको तर्क छ ।
भारतले नेपालमा संविधान जारी भएको भोलिपल्टदेखि लगाएको नाकाबन्दी अझै जारी छ र उस्ले आफ्नो स्वार्थ पुरा नभएसम्म नाकाबन्दी लादिरहन्छ भन्ने विश्लेषण पनि गरिएको छ ।
तर, राजदुत राय भने नेपालको आन्तरिक मामलाका कारण समस्या भएको र भारतको नेपालमा कुनै स्वार्थ नरहेको दाबी गरिरहेका छन् ।
हुनत आलोचकहरुले आरोप लगाएका छन् कि भारतले नेपालको आन्तरिक मामलामा नराम्रोसँग दख्खल लगाउन खोजेको छ र भारत राजनीतिक रुपमा एक समुदायलाई समर्थन गरेर बाँकी नेपालसँग दुश्मनी साँध्न खोज्दै छ ।
तर, राजदुतले भारत कहिल्यै यस्तो गर्ने मुडमा नरहने दाबी गरिरहेका छन् । करिब ८७ प्रतिशत मतकासाथ पारित संविधान भारतले नमान्नुको खास कारण संविधानमा हिन्दु शब्द नराखिनु नै भएको विश्लेषकहरुको दाबी छ ।
अनि भारतको संस्थापनले राजदुत रायलाई कुनै यस्तो बाहना खोज्न लगाएको बताइन्छ कि, नाकाबन्दी हटाउने महत्वपुर्ण कडी बनोस् ।
नत्र, नेपालले आफ्नो व्यापार चीनतिर लम्काउन सक्ने छ । भारतले, आफ्नै उक्साहटमा उचालेको मधेसवादी दलहरुलाई संसदमा फर्काउको र अअब, सानै भएपनि सहमति गराएर नाका अबरोध हटाउन लगाएर नाका खोल्ने दाउ खोजिरहेको छ। यसकालागि राजदुत राय आफैं लागिपरेका छन् ।
उनी भारतलाई नेपालमा असफल बन्न नदिनकालागि घुँडा टेकेर भएपनि ओली सरकारसँग सम्झौता गर्ने मुडमा पुगेका छन् र मधेसवादी दलका नेताहरुलाई पनि यही सन्देश प्रवाह गरेको बताइएको छ ।
भारतीय प्रधानमन्त्री नरेन्द्र मोदीले पनि राजदुत रायलाई नेपालसँग बाहना खोजेर सहमति गराउन दवाव दिएका छन् ।
उनले नेपाल नझुक्ने देखिएकाले नेपालमा भारतीय प्रभाव कायम राख्ने हो भनेपनि नेपालसँगको विग्रदो सम्बन्ध कम्तीमा यतीमै सिमित राख्ने उपाय खोजी गरि जानकारी गराउन राजदुतलाई निर्देशन दिएको स्रोतको दाबी छ । परिणाम आउन भने अझै दुइचार दिन कुर्नुपर्ने छ ।
nepalsandesh
0 comments
Write Down Your Responses